حضرت امّ البنین(س)
بس دگولدی بی سبب ام البنین
روز و شب ایلردی افغان و انین
نه وداعین گوردی اوز عباسنون
نه دوشندی اوستنه اعضاسنون
قلبینی بو اودلی نسگل داغلادی
گولمدی بیر گون ئولونجه آغلادی
ایلدی مسکن بقیعی شامه دین
توکدی اشکین صبحدن آخشامه دین
آمدن امان نامه حضرت ابوالفضل(ع) در عصر تاسوعا
ای امام عصر حاضر حجّت پروردگار
ماسواللهه ولیّ ، حیّ کردگار
انتظارون قویمیوب دیلّره آرام و شکیب
قلبلردن شوق دیدارون آلوب صبر و قرار
ابر غیبتده قالوب تا آفتاب طلعتون
بو ایشیق گوندوز اولور اهل وفایه تیره تار
منتظردور شیعه امر قادر قهّاریله
یادگار حیدر کرّار چکسون ذوالفقار
جور و ظلمیله دولوبدور یِر خدایا اذن وئر
خَتم وئرسون جور و ظلمه خاتم هشت و چهار
حضرت علی اصغر(ع)
آنام باجی ظلم اودینا قلبیم اود دوتوب یاندی
الیمده تشنه اصغریم ظلم اوخیله اوخلاندی
گل یاراسینی باغلا – اوخشا اصغری آغلا
بالام یاتوب راحت اولوب دینجلوبدی دیندیرمه
قماطین آچ رختینی سوی تازه دن گییندیرمه
آناسینا باغلامامیش یاره سین نشان وئرمه
مگر آنایه بالانون بیله حالی آساندی