خواب دیدن حضرت زهرا(س)

بو گئجه عالم رؤیاده ای ملک منظر

منه هجوم ائلدی شوق وصل پیغمبر

نه گوردوم اوندا که بیر طرفه بیر گلستاندور

گلور شمیم ریاحین غریبه بستاندور

آچوبدی خازن[1] جنّت بساط رنگارنگ

بیر الده ساغر مینا بیر الده بربط و چنگ

پر از زمرّد[2] و یاقوت و گوهر و عنبر[3]

طبق طبق گتوروب باشلارینا حوری لر

تیکوبله گوز بیرینون انتظارینه گوزلر

اونون قدومینه تا اونلاری نثار ائده لر

دوشوبله سُندس[4] زیبا به رسم پای انداز

یتوشدی سمعینه ناگه او دمده بیر آواز

که ای مریضه اوزون تئز بو گلستانه یتور

دوروب یول اوسته رسول خدا ایاق گوتور

 

گورن زماندا منی بوینوما قولون سالدی

هزار لطفیله احوالیمی خبر آلدی

دئدی قیزیم نئجه سن سن منیم فراقیمده؟

دئدوم دئمه باباجان یاندوم اشتیاقونده

دئدی نئجه گئچر احوال حیدر کرّار

دئدوم بابا قاپوسین اهل کینه اودلادیلار

دئدی سولوبدی نیه رنگون ای ملک دربان

دئدوم که بیر قولومی سیندیریبدیلار باباجان

دئدی بهشته قیزیم همدم و وثاقیم سن

گوزتلرم یولوی بو گئجه قوناقیم سن

دخیل(ره)

 


[1] - خازن : نگهبان ، خزانه دار.

[2] - زمرّد : سنگی قیمتی و معمولاً سبزرنگ که در جواهرسازی به‌ کار می‌رود.

[3] - عنبر : ماده‌ای خوش‌بو و خاکستری‌رنگ که در معده یا رودۀ عنبرماهی تولید و روی آب دریا جمع می‌شود. گاهی خود ماهی را صید می‌کنند و آن ماده را از شکمش بیرون می‌آورند.

[4] - سندس : پارچه ابریشمی زربافت.