شام غریبان امام حسین (ع)

عزّتلی گونوم گون چاقی جانانیله گئتدی

گونده گوتوروب باش تن بی جانیله گئتدی

هر لحظه سی مین ایل منه اولدی بو آز عمرون

گر خوش گونی اولسیدی اودا آنیله گئتدی

باتدی باتان اولدوزلاریمیله علی اصغر

آیدا قوشولوب مهر درخشانیله گئتدی

سو وعده سی وئرموشدی عموم آل رسوله

سو اوسته اوزون قولّاری پیمانیله گئتدی

سن سیز یاتا بولموردوم اودور یانیوه گلدوم

آسایشیمیز گور نئجه آسانیله گئتدی

گلدوم یانیوا شکوه ائدم شمرین الیندن

کاشانمیزی اودلادی عدوانیله گئتدی

زیب و زریمی آلدیلا تارجه گلنلر

گوشواره لریم معجر الوانیله گئتدی

الله بولوری اولدی نلر خیمه یاناندا

خیمه تالانوب صاحب سامانیله گئتدی

کیم بولدی کیمه نولدی کیمیم قالدی هایاندا

اوتدان قوتولان ناله و افغانیله گئتدی

بیر خردا قیزین دامنی گوردوم که دوتوب اوت

بولمم هارا گئتدی پر سوزانیله گئتدی

بعضی بالا گیزلنمیشیدی خار ایاقیندا

اود گلدی یانوب خار مغیلانیله گئتدی

مشغولیدی گهوارئیله اصغر آناسی

گهواره ده یاندی او گئدن جانیله گئتدی

«ساکت» قلمون سعی ائله قویما یره الدن

ئولسنده دئیلّر دولی دیوانیله گئتدی[1]

ساکت

 


[1] - برای مشاهده متن کامل شعر به دیوان زبده الاشعار نوشته احد کامران ور ج 3 ص 181 مراجعه کنید.