حضرت صادق(ع)

دیولّه بیزلره عالمده جعفری مذهب

عیاندی مسئله، روشندی گون کیمی مطلب

 

امام جعفر صادقدی رکن دین مبین

اودور مروّج احکام و مذهب  و آئین

آتاسی حضرت باقردی حجّت باری[1]

آناسی بنت محمّددور ، امّ فروه[2] یقین

یازولّا هجرتین هشتاد اوچومجی سالینده

قدم بو عالم امکانه قویدی بو شه دین

ربیعُ الاوّلین اون یِدّیسی دوشنبه گونی

بو شاه دینه ولادت گونی اولوب تعیین

وجودی صفحه ی غَبرایه[3] اولدی زینت بخش

تفاخر ایلدی عرش خدایه سطح زمین

ازل مؤسّس قانون شرع مصطفوی

بونی یازولّا تواریخیده معارف دین

همین که سنّ شریفی اوتوز بیره یتدی

آتاسی ئولدی، غم و ابتلایه اولدی قرین

بنی امیّه او وقته کیمی مسلّطیدی

ائمّة تحت فشار عدوده زار و حزین

ائمّه قورخودان احکام دین دیَنموردی

فشاره سالموشیدی هر امامی بیر بی دین

بونون زمانی خروج ایلدی بنی عبّاس

بنی امیّه ائیله باشلادی عداوت و کین

بیری بیریله اولار جنگه اولدولار مشغول

بو، خلقه ایلدی احکام مذهبی تلقین

اودور سبب که شیاع ایتدی جعفری مذهب

شریعه نبوی روشن اولدی چون پروین[4]

بنی امیّه نی محو ایلدی بنی عبّاس

یتوب خلافته منصور شوم و کینه گُزین

دوشوب بو فکره او کافر امامی ئولدورسون

بهشت عدنیده ایتسون پیمبری غمگین

دئدی امور سیاستده پیشرفت اولماز

امام صادق اگر ایتمسه منه تمکین

امام ده گِچینوردی تقیّه[5] حالینده

ز بس رئوفیدی ایتمزدی دشمنی نفرین

دوانقی[6] ولی اَل چَکمدی او سروردن

امامه ایتدی او بی شرم گونده بیر توهین

چاقوردی بیر گئجه خلوتده محرم رازین

دئدی اگرچه اولوبدور امام خانه نشین

ولی وجودی منه مانع ریاست دور

او اولماسا اولور عالم اَلیمده نقش نگین

گئجیله فوراً اونی ایله مجلسه احضار

شهید ایدوم تاپا بلکه بو خاطریم تسکین

ولی نه حالیله گورسن او حالتیله گَتور

حقارتیله یتور مجلسه ملول و غمین

گَلوب نه گوردی نماز اوسته راکع و ساجد

امام تَکدی، یاتوب سر به سر بنات و بنین

قویوبدی سجدیه باش، دل آچوب مناجاته

ایدور دعا، گَلوری غیبیدن صدا آمین

ایله سیزیلدیری تاثیر ایدور جماداته

اولور عیان در و دیواریدن صدای اَنین[7]

عمامه یوخ، باشینا باغلیوبدی بیر دسمال

گِیوبدی اَگنینه اول شاه بیر لباس خَشین

ایدوبدی منزلینی رشکِ وادی طور

دوشوب کلیم کیمی شاه یوم باز پسین

حضور یاریده گوزدن آتوبدی اغیاری

ایدور خدائیله راز و نیاز امام مبین

تحمّل ایتدی نمازین امام قورتاردی

و لیک قویمادی ایتسون عوض لباس لرین

اَیاق یالین باش آچوق گَتدی حجّتُ اللهی

یتیشدی مجلس منصوره شاه عرش مکین

گیرنده مجلسه ویردی سلام منصوره

یره توکولمدی علّت ندور سپهر برین

قوجا امام اَیاق اوستونده قالدی بیر ساعت

و لیک ایلمدی اعتنا او شوم و لعین

بیر آز گیچوب باشینی قوزادی تکبّریله

اولیدی لال گوروم، آچدی ناسزایه دلین

امام صادقه شرم ایتمیوب دیوب کاذب

ایدوب بو لفظیله قلب عوالمی تحزین

خیال سلطنته دوشموسن دیدی گورورم

دوزَلدوسن اوزیوه دور و برده یار و معین

بویوردی حضرت صادق منه دیمه کاذب

لقب ویروب منه صادق بابام رسول امین

جوان لیقیمدا ریاست خیالی ایتمَمیشم

قوجا لیقیمدا دوشم بیله بیر خیاله چَتین

دوانقی ایشیدوب بو سوزی غضبلندی

آپاردی قبضۀ شمشیر خون فشانه اَلین

غلافیدن قلجین بیر وجب ایدوب خارج

دوباره قویدی غلافه او مرتد بی دین

ایکیمجی دفعه ایدوب بیر ذِراع[8] بویی خارج

امام قتلینه آرتوردی دلده کی هوسین

اوچومجی دفعه ایدوب تیغی غیظیله عریان

ایدوب او حالیده خاموش آتشِ غضبین

محبّتیله چاقوردی یانیندا یِر ویردی

محبّته عوض اولدی عداوت دیرین

امامه غالیۀ[9] خاصّینی تعارف ایدوب

ایدوب او غالیه ایله محاسینین تزئین

چوخ عزّتیله یولا سالدی حجّتُ اللهی

ربیع سرّینی ایتدی سوال ماوقعین

جواب ویردی خلیفه سنه بیان ایدرم

و لیک بیر کسه بولدورمه بو ایشین سببین

همین که ایتدیم اراده امام قتلینی من

اَیاق یالین باش آچوق گَلدی حضرت یاسین

بویوردی ایتمه اذیّت، بالامی اینجیتمه

هلاک ایلرم اولسان امام عصره ظنین

گَلِیدی کاش پیمبر یزید مجلسینه

امام قتلینه فرمان ویرن زمان او لعین

دییدی سیّد سجّادی ظالم اینجیتمه

اسیرلیق غمی بسدور، زیاده ایتمه غمین

قولونی باغلاموسان بسدی، جسمی ناخوشدی

بو غُلّ جامه مجروح ایلیوب بدنین

بو بیر بیوک، اوشاق، عورت، تیکوب بو ناخوشه گوز

اَلیندن آلما بو بی کس لرین اماندی کسین

ترحّم ایله بو بیچاره هاشمیّه لره

اوجاتما زینب و کلثومین آه و ناله سسین

سنه «حسینی» بو اشعار خوش نتیجه ویرر

قالار او گون که هامی ایتدوقی عملده رهین

حسینی(ره)

 


[1] - باری : پروردگار – آفریننده.

[2] - امّ فروه : ام فروه، همسر امام باقر و مادر امام صادق علیهم السلام، دختر قاسم بن محمد بن ابی بکر بود. نام وی فاطمه یا قریبه و ام فروة کنیه اش بود.

فاطمه دختر قاسم بن محمد بن ابى‌بكر و فرزند اسماء دختر عبدالرحمن بن ابى‌بكر كه با كنيه ام‌فروه شهرت داشته، مادر امام صادق علیه‌السلام و همسر بافضيلت امام باقر علیه‌السلام بوده است.

ام‌فروه‌، مادر امام صادق علیه‌السلام اضافه بر مقام بلند عرفان و تقوى و ارزش‌هاى عميق اخلاقى و انسانى، آن طور كه كلينى و مامقانى و برقى نوشته‌اند: وى به عنوان بانوى صحابى و راوى حديثهم، از فرزند عالي‌مقام خويش، امام ششم معرفى شده است.

اين بانوى بلندمقام، مادر امام و همسر امام است و آن طور كه از مسعودى روايت شده، وى از تمام بانوان عصر خويش در مقام تقوى و پرهيزكارى سرآمد و ممتاز بوده است. امام صادق علیه السلام درباره مادرش فرموده است: مادرم مؤمن، متقی و نیکوکار بود و خدا نیکوکاران را دوست دارد.

 

[3] - غبری : زمین.

[4] - پروین : 1 - ثریا، صورتی فلکی که بالای شاخ صورت فلکی گاو قرار دارد. 2 - نام منزلی از منازل قمر.

[5] - تقیّه : ابراز عقیده یا انجام دادن کاری بر خلاف‌ نظر و اعتقاد قلبی را تقیّه گویند. در کتابهای مربوط به قواعد فقهی از تقیّه به عنوان یک قاعده نام برده شده و برخی فقها رساله‌ای مستقل تحت عنوان «التقیّه» تألیف کرده‌اند. علاوه بر آن از تقیّه در بابهایی نظیر طهارت، صوم و حج به مناسبت سخن رفته است.

ـــ تقیه به کتمان حق یا ترک عمل به احکام شرعی واقعی به دلیل ترس از مخالفان اطلاق می‌شود.

[6] - دوانقی : ابو جعفر منصور خلیفه عباسی «136 - 158 ق / 754 - 775 م»

نامش عبدالله، کنیه‌اش ابوجعفر و لقبش منصور بود و پسوند دوانیقی را از آن جهت به‌دنبال لقب او آورده‌اند که بسیار حسابگر و بخیل بود و بر کوچک‌ترین اجزاء که دانه و حبه باشد حساب می‌کرد. 
در 12 ذی الحجه سال 136 پس از مرگ برادرش سفاح به خلافت رسید. مدت خلافتش 9 روز کمتر از بیست و دو سال بود و به لحاظی خط مشی هشام بن عبدالملک اموی را دنبال می کرد. 
مدت 63 سال عمر کرد و در ششم ذی الحجه 158 در راه مکه از دنیا رفت و در منطقه حجون که اکنون نزدیک مسجد جن در شهر مکه واقع است به خاک سپرده شد. 
از او ششصد میلیون درهم و چهارده میلیون دینار به جا ماند. 

[7] - انین :  ناله ، آواز سوزناک.

[8] - ذراع : واحدی برای طول ، از نوک انگشتان تا آرنج .

[9] - غالیه : بوی خوشی مرکب از مشک و عنبر و باله به رنگ سیاه که موی را بدان خضاب کنند.