هیأت شیفتگان بقیه الله الاعظم(عج) ارومیه

راز و نیاز امام حسین(ع)

یارب تمام عالم و آدم سنونکیدور

کرسیّ و عرش و فرش و دو عالم سنونکیدور

خُلد برین[1] و کوثر[2] و تسنیم[3] و سلسبیل[4]

حور و قصور و نار جهنّم سنونکیدور

ذرّات کائناتیده بو نظم و انتظام

اَجرامیده بو سرّ منظّم سنونکیدور

سن واجب الوجود[5] سن ای ذات لایزال[6]

هر ممکن الوجود اولا هر دم سنونکیدور

چون بسته دور بو عزّت و ذلّت مشیّته

جان پریش و خاطر خرّم سنونکیدور

مین بیر آدیله آدلانان ای بارئ[7] البدیع[8]

سنسن یقین اسامی اعظم سنونکیدور

هر نغمه ای که اوج ائده بو ساز دهریدن

خوش نغمه دور که زیر سنون بم سنونکیدور

اِعجاز محکم ید بیضای[9] موسوی

انفاس قدس عیسی مریم سنونکیدور

الهام و وحی و معجزه کلّ انبیاء

نوح و خلیل و حضرت آدم سنونکیدور

منده سنون علیده سنون مجتبی سنون

زهرا سنون پیمبر اکرم سنونکیدور

حاشا  دیله بو مرحله ده لفظ من گله

من بیر نیِ شکسته ولی دم سنونکیدور

حزن و طرب مقام محبّتده بیر گلر

کُنج دیلیمده عشق سنون غم سنونکیدور

عشقون چکوب بو قافله نی نینوایه چون

قلبیمده کی بو شور دمادم سنونکیدور

من عاملم بو صحنه نی انجام ائدم ولی

عاشور و کربلا و محرّم سنونکیدور

من ساتموشام سن آلموسان ای قانه مشتری

بیع و شرادی ، بیش سنون ، کم سنونکیدور

سنگ صبور اهل حرم زینب حزین

عمرونجه هر مصیبته همدم سنونکیدور

لیلا سنون رباب سنون شاهد اول اوزون

گل تک سولان او تشنه رقیّم سنونکیدور

سقّا کنار نهریده گر تشنه جان وئروب

سن سووموسن فراتیله علقم سنونکیدور

شمر و سنان نه جرئت ائدر باشیمی کسه

شمشیر و تیر و نیزه مسلّم سنونکیدور

نی تک اگر سیزلدیه سیمنده یاره لر

من شاکرم که زخمیله مرهم سنونکیدور

بَجدل[10] روا دگل که بو گون نا امید اولا

بیر یئرده که نگینیله خاتم سنونکیدور

گر خیمه لر شراره چکه عابدیم یانا

من راضیم شراره و مخیم سنونکیدور

عشق اولسون عشقیوه سنون ای آبروی عشق

عشق عالمینده نام معلّم سنونکیدور

بیزدن سلام اولا سنه ای شاه مستضام[11]

یاندون اگر چه دجله و زمزم سنونکیدور

باخ قانوین بهاسینه تا سیر ائدر جهان

هر گوشه ده مجالس ماتم سنونکیدور

تا ریسمان عشقیوه بیز چنگ وورموشوخ

آسودیوخ که عروه ی محکم سنونکیدور

«مجنون» خوشا سعادتیوه شکر قیل مدام

بزم عزاده دیده ی پُر نم سنونکیدور

رجائی(ره)[12]