زبانحال حضرت زینب(س)

سولدی چمنیم قارداش ئولدی ئولنیم قارداش

شامون غرباء باغی اولدی وطنیم قارداش

 

تا عشقیوه خو تاپدوم دوشدوم بئله غوغایه

آدین منه فخر اولدی عشقون منه سرمایه

سود اولدی زیانیمده احسن بئله سودایه

کالا سنون عشقوندی جانیم ثمنیم قارداش

 

جان وئرماقیوی سالّام یادیمه الولانّام

باخدوقجا خیالاتون آئینه سینه یانّام

گورّم گینه گودالون اطرافینه تولانّام

احوالیمه دورمده چوخدور گولنیم قارداش

 

سینمده کی کوینگ که قانیله اولوب حمرا[1]

اوندا یازیلوب متن تاریخی عاشورا

هر تاریله هر پودین مین دفعه ئوپوب حورا

رخصت وئر همان کوینک اولسون کفنیم قارداش

 

بو یئرده که جان وئرّم بیر دمده غنیمتدور

باغ اولسا بهشت اولسا سنسیز گینه غربتدور

حسرتدی گوزوم گرچه قلبیم ولی راحتدور

آسوده چیخور جانیم یوخدور دوگنیم قارداش

 

اوّلده فلک چکدی بو سینمه بیر داغی

بیر شمع کیمین قلبیم یاندی اریدی یاغی

اول سفریم امّا وئرسیدیله بو باغی

ویرانه ده ئولمزدی شیرین سخنیم قارداش

منزوی(ره)[2]

 

 


[1] - حمراء : سرخ.

[2] - جهت مشاهده ی متن کامل شعر به دیوان صد قافیه ی مرحوم منزوی(ره) رجوع فرمایید.