میلاد امام حسین(ع)

قویدی بو فنا عالمه قدم وجه باقی لم یزل حسین

ایلدی منوَّر بو عالمی گون جمالی گُلدن گوزل حسین

هم اوزی گوزل هم آدی گوزل هم آتا آناسی گوزل حسین

یار و آشناسی گوزل حسین

 

 

ایستدی خدا اهل عالمه بولدوره حسینون جلا لتین

جبرئیله امر ایتدی آرتیروب باغ جنّتین زیب و زینتین

ایلدی جهنّم اودین خموش آلدی اهل دوزخ حرارتین

چون مزیّن ایلوب بو عالمی صبح وقتی صبح ازل[1] حسین

 

 

جلوه ی جمال منوّری یئر یوزین ائدوب رشگ طور حق

ایلدی همین نوریدی او گون طوریده کلیمه ظهور حق

قویدی سجدیه مه جبینینی آچدی دل ثنایه او نور حق

ذات حقّه وئردی شهادتین ذات حق تک بی بدل حسین

 

 

گلدی گر چه لعیا بهشتدن اولدی بو شه دینه قابله

لیک حاضر اولموشدیلار هامی بانوان عزّ و مجلّله

آلدیلار حسینون قماطنی[2] افتخاریله بیر به بیر اله

شأنه باخ خواتین جنّتین گزدی اللرین ال به ال حسین

 

 

گوردیلر ترو تازه رنگ آچوب آل هاشمون نو بهارینی

اوپدیلر او مولود اقدسین گل کیمی شکفته عذارینی

خاتم النبیین گلوب گوره دُرّ مایه ی افتخارینی

اشتیاقیله آچدی قولارین سویلدی قوجاقیمه گل حسین

 

 

آلدی نور عینین قوجاقینه ختم الانبیا سرور عباد

هرایکی قولین سالدی بویننا اوپدی گل یوزیندن اولوبدی شاد

نور نوریله اولدی متّفق وئردی جدّینه دست اتحاد

عهد نامه ی  ذرّیده اولان شرط عهده صاحب عمل حسین

 

 

میل ایدوب سر انگشت میم دن شیر با صفا معنوی غذا

ایلدی احاطه او حضرتین کل عضوینی خون مصطفی

قول وئردی جدّی پیمبره محو ایدنده اسلامی اشقیا

حکم دین و قرآن مُنزله قویمیا یتشسون خلل حسین

 

 

دسته دسته نازل اولوب یئره گوگلرین سراسر ملک لری

باشنه حسینون دولاندلار ایتدیلر زیارت او سروری

تهنیت دین تسلیت وئرن آغلادوب بتول و پیمبری

اوّلین وصالینده ایلدی نارفرقتین مشتعل حسین

 

 

حاملان عرش عرض ایدوب خدا تاپدیلار هامی بو سعاتی

بیزلره نصیب اولمادی نه دن سوگلون حسینون زیارتی

یا اجازه ویر بیز نزول ایداخ یا که عرشه ایسته او حضرتی

بیزلری او فیض زیارته ایلسون بو گون مشتعل حسین

 

 

امر اولوندی دربار قدسدن جبرئیله سن نازل اول یره

جامه بهشتی آپار اوزون بوک حسینی دیبای احمره

تیز گتورقماط حسینیمی زیب وئرماقا عرش اکبره

جدّی تک مبارک قدومیله طاق عرشه وئرسون حُلل[3] حسین

 

 

واریانوندا یارب حسینوین بو قدر جلال و شرافتی

بس نیه او گون رحم ائتمدی اصغرینه کوفه جماعتی

غنچه تک اونی گاهواره دن سولدوروب سوسوزلق حرارتی

امدی دل دوداقین تاپامادی سو وئره اونا لا اقل حسین

 

 

گوردی بلبل پرشکسته نون نطقی یوخدور آلدی قوجاقینه

حوض کوثرون صاحبی گلوب رزمگاهده سو سراقینه

بیرخدنگ مسمومیله چیخوب حرمله او طفلین قباقینه

اوخلانان بالانی آنا سنه قیتروب وئره ما حصل حسین

 

 

اوغلون اکبرین جاننه سنی ویرّم ای شه کربلا قسم

دل شکسته «صحاف» بی کسم رنجه قیل قدم ایله بیر کرم

باشیم اوسته گل جان وئرن زمان صون نفسده بیر گل یوزون گورم

اوندا که گلور قبض روحیمه باشیم اوسته پیک اجل حسین

صحّاف(ره)


[1] - صبح ازل : سحر خیز - هنگام صبح ، بامدادان .

[2] - قماط :  قنداق.

[3] - حلل : جِ حله  ،  زیورها، پیرایه ها.