کوچ از قتلگاه

خداوندا حسینیم هاردا دوشموش قانینه غلطان

قالوبسان هاردا قارداش زینبون اولسون سنه قربان

 

دولاندی غم فزا دشتی گوروب آختاردیقی یوخدی

یتوشدی بیر چوخور یئرده گوروب قان لخته سی چوخدی

ولی مستور ائدوب داش یا سینیق شمشیریدور اوخدی

 

گوروب بو یئر دونن شمریله ال دامان اولان یئردور

یقین ایتدی حسینون قانینه غلطان اولان یئردور

 

چکوب بیر آه سیر کینه ی اهل عناد ایتدی

چویوردی آرخاسی اوسته گیچن ایّامی یاد ایتدی

بیر اَل قارداشدا بیر اَل آسمانه دوتدی داد ایتدی

 

دئدی الله بو قربانی اوزون بیزدن قبول ایله

فیوضین شامل احفاد[1] و اولاد رسول ایله

 

دئدی قارداش اویانسیدون بولردون منده حالتدن

باجون اوز سهمینی گوردی بو صحراده قیامتدن

حکایت ایلیوم قارداش نئجه اوضاع غارتدن

 

گئدوب یغمایه حتماً البسِیله اسلحه ئن بی شک

اقلّاً قالمیوب اگنونده کی مندن آلان کوینک

 

گئچن شب عرض ائدوم قارداش نلر چکدوم بلادن من

گونوز خسته گئجه ظلمتده یانمیش خیمه لر شیون

سیزیلتی بیر طرفده بیر طرفدن ناگران سندن

 

سوروشدوم صبح اولاندا وای منه قارداش حضوریندن

کول اولسون باشیمه دوتدوم خبر خولی تنوریندن

 

شبیه مصطفانی گوردوم ئوپدوم چکدوم آغوشه

و لیکن گورمدوم من اصغری هاردا گئدوب هوشه

صباح اوغلون گلوب ترتیب ائدر بیر قبر شش گوشه

 

یاتار پایین پاده اکبرین دائم اوغول وای دئ

علی اصغری آل سینوه عطشاندی لایلای دئ

 

دئمه زینب سنی بو چولده سالدی باغری قان گئتدی

بئله گونلر قباقینده قویوب بی سایبان گئتدی

بولورسن لاعلاج اَل اوزدی ای آرام جان گئتدی

 

سنی یادّان چیخاتمام روحومی قویدوم رهینونده

اجلدن مهلت اولسا بیرده گلّم اربعینونده

 

مجالیم یوخ آلوبلار چاره می اَلدن خداحافظ

دریغا گورمدوم عبّاسی گیتدوم من خداحافظ

من زارین دلیجه اوندان ایله سن خداحافظ

 

سوروشسا گلمدی دیداریمه زینب ندور علّت

بویور ایستردی گلسون اهل کینه وئرمدی فرصت

 

اولوب زندان غمده «شاکر» محنت زده محبوس

محیطی غصّه و غمدور مصیبتلر اونا مأنوس

تیکوبدور گوز سنه امّیدیله قویما اولا مأیوس

 

نئجه اولسا گینه وابسته دور آخر بو درباره

سنی زهرا خدادن ایسته ایتسون دردینه چاره

شاکر(ره)[2]

 

 

 

 

 

 


[1] - احفاد : ج حافد : فرزند – فرزندزادگان – نوادگان.

[2] - برای مشاهده ی متن کامل شعر به دیوان مرحوم شاکر و یا ارمغان تائب ج 2 رجوع فرمایید.