هیأت شیفتگان بقیه الله الاعظم(عج) ارومیه

وداع امام حسین(ع)

گل بیر دولانیم باشوا گیت تاجداری زینبون

قربان گیدن یوللاریوا جان فگاری[1] زینبون

هریاندان اوز امّیدیم كسدیم بوگون من بی نوا

بو چولده گوز تیكدیم سنه ای ماسواللهه رجا[2]

سنده گیدورسن بس نئجه تاب ایلیوم ائتموم نوا

یوخ یتدی قارداشدان قالان بیر غمگساری زینبون

باغریم حسین قان باغلیوب وار محضرونده چوخ سوزوم

اما دیلیم دوتمور دئیم مأیوسم عمرومدن اوزوم

غصّه گلوگیر ایلیوب وئرمور امان آغلار گوزوم

وار حقّی گوزدن خون دل گر ائتسه جاری زینبون

تاپشوردون اطفالون منه ای قطب افلاك و سمك[3]

یالقوز بیر عورت نیلسون قیخ مین قوشون یوخ بیر كمك

چكمیر گریبانیمدن ال هشتاده دین قاره لچك[4]

گلمور اَجل تا گورمسون بو گیر و داری زینبون

باشدان آتام حیدر كیمی قانون آخور گوزقاشوا

باغریم او قان تك قان اولوب آند اولسون اول گوزیاشوا

گلمور دیزیم بیر آز دایان زینب دولانسون باشوا

نه دیزده نه دلده حسین وار اختیاری زینبون

گیتمه بویون قربانی دور قول بوینووا بیرده سالیم

قوی قانلو باشون سینمه تا جدّیمون عطرین آلیم

روحیم امیدیم عزّتیم گل قویما قارداشسیز قالیم

سن اولماسان اولماز یقین عزّ و وقاری زینبون

ای کاش اولیدی شرعیده عورتلره جائز قتال

قربان اولیدیم من سنه، درک ایلیِیدیم ارتحال

صد حیف اَلده چاره یوخ وئرمور نتیجه بو خیال

سونمور سرشک چشمیله دلدن شراری زینبون

آلدون او کوینک که حسین گِیدون خیمده برملا

بولدوم بلالی باشیمون من اوز بلاسین جا به جا

شه کهنه کوینک گِیسه گر اهلی گرک عریان قالا

دوشمز نجه اَلدن اَله سنسیز خِماری[5] زینبون

بولسم قبول ایلر عوض بو لشکر شوم و دنی

بو قومه یالوارّام حسین ، رحمه گَتورّم دشمنی

ذبح ایلسونلر زینبی ائتسونله مستخلص[6] سنی

صورت پذیر اولسا اگر وار افتخاری زینبون

قیزلار باخوردی خیمه ده ممکن دگلدی کشف راز

یوخ بوردا ایمدی اهل بیت ای خسرو ملک حجاز

وار دیلده بیر گیزلین سوزوم عرض ائتماقا قیلسان مجاز

فخر ایلرم ای روحیدن آرتوخ نگاری زینبون

سویله گوروم گورماقلیقا بیرده گَلورسن عترتون

قویدون پریشان یا باجون زلفی کیمی جمعیّتون

آخِر سفردور بو سفر اولماز دوباره رجعتون

عمرینجه قلبینده قالار بو انتظاری زینبون

ایتدی اشاره باشیله یعنی باجی باخ نیزیه

باشیم کَسیلسون آز قالور، گَلسون فلکلر لرزیه

ذات خدا ایتسون به پا عرشینده بزم تعزیه

اولسون او بزمه منعکس تا آه و زاری زینبون

زینب ایشیتجک بو سوزی باش آچدی گَلدی شیونه

عرض ایلدی قارداش حسین بیر خواهشیم واردور سنه

تک تک وداع ایتدون ، هامی اطفالی تاپشوردون منه

بو فیضیدن قالدی ایکی لاله عذاری زینبون

ایله عطش دلدن سالوب قالموب اولاردا صبر و تاب

غشّ ایلیوبلر خیمه ده ای نور چشم بوتراب

گُل یوزلرینه سَپماقا یوخ خیمه ده هر چند آب

اشکیله امّا دیده ده وار جویباری زینبون

ایله تواضع گَل اوزون گور اول ایکی نورس گُلی

تا دیللرینده قالماسون حاله گَلنده نسگلی

القصّه گَتدی خیمیه زینب شه دریا دلی

حالی پوزولدی، قارداشین گیتدی قراری زینبون

گوردی یوز اوسته قول بویون بیر جفت مه منظر یاتوب

اشکیله توپراق ایسلانوب، یوز گوز، قرا تِللر باتوب

گورجک بو حالی شاه دین اوز فکرینی باشدان آتوب

گور زلفی چوخ آشفته دور یا روزگاری زینبون

دوتقون سسیله ایلیوب زهرا قیزی اوّل ندا

گوردی اویانمولّار اولار، بولدی که وار بیر ماجرا

تا اَل یتوردی قوزاسون گوردی ئولوبلر، یوخ صدا

ویران اولوبدور صبریدن محکم حصاری زینبون

باخ گور بو درد و محنته داش اولسا دل ایلر دوام

واللهی بیر زینب دوزر، بیرده امام تشنه کام

ذی حقّیدور قان آغلاسا صاحب زمان هر صبح و شام

اولسون نقدری آلمیوب داد اشکباری زینبون

چوخدان «حسینی» ایلوری قبر حسینی آرزو

اوز سویدیقی اشخاصیله قویسون او قبر پاکه رو

طاهائی اولسون نوحه خوان، ائتسون گوگل زخمین رفو

قویما بو حسرتده بیزی ای کردگاری زینبون

ایستردی آیریلسون حسین زینبدن، آغلاردی گوزی

ویرّم قسم اول وقتینه بیر سن بولورسن بیر اوزی

قورتار فشار دهریدن، لطفاً قبول ایت بو سوزی

مخلوقه محتاج ایتمه ای پروردگاری زینبون

حسینی(ره)