زبانحال امیرالمومنین (ع) به امام حسن (ع)

تندن آز قالور خسته جان چیخا یاسین[1] ائت تلاوت اوغول حسن

سسله قوی گله گل بالالاریم یوخ حیاته فرصت اوغول حسن

 

بولمورم ندن سازش ائتمدی حیدریله بو چرخ کجمدار

خستیم بو دور زمانه دن چوخ ائدوب منی محنته دچار

بولدی فاطمه جاندی حیدره مندن آلدی ظلمیله روزگار

قلب زاریمی ایلدی فلک دار[2] رمز و محنت اوغول حسن

 

یوخ دواسی بو باش یاراسینون سلب ائدوب منیم اختیاریمی

فاطمه آناندان داریخمیشام یاندیریر بو غم قلب زاریمی

ایستوری آتان کامیاب اولا حق وئرور باشا انتظاریمی

آز قالور که زهرانی عدنیده[3] ایلیم زیارت اوغول حسن

 

هاردادی پرستارِ فاطمه وئر خبر گلیب سینه داغلاسین

مکن اولسا بو باش یاراسینی یاخچی یاره باغلار او باغلاسین

قیز آتاسینا غملی اوخشیار اوخشویوب باشین اوسته آغلاسین

قویما زولفونه ال آتا ولی قُلزم[4] محبّت اوغول حسن

 

جدّی مصطفانون غمون گوروب فاطمه آناویله آغلادی

بش یاشی واریدی فقط اونون زخم ضرب مسماری باغلادی

اول ساغالمیان سینیه گوره گوزیاشی توکوب سینه داغلادی

دهریده باجون چوخ یارا گورر ایلیر طبابت اوغول حسن

 

درد و غصّه دن سخت اولار رها آگهم باشیندا بلاسی وار

زینبونده زهرا آنام کیمی غملی باشینون ابتلاسی وار

غملی گونلره گون سایور فلک بیر مصیبت کربلاسی وار

یول کسن او گون باش کسر اولار زینبه قیامت اوغول حسن

 

کربلایی رحمان جاهدی – ارومیّه 27/04/93

 


[1] - قرائت سوره یاسین قبل از خارج شدن روح از بدن محتضر مستحب است (شرح لمعه باب احتضار).

[2] - دار : خانه.

[3] - عدن : 1- همیشه بودن در جایی . 2 - بهشت جاوید.

[4] - قلزم : رود بزرگ ، دریای پرآب .